Transcription
1
Reçue à Valence, le 18 juin 1573. Répondue le 27 juin 1573.
2
Monsieur de Gordes, je ne doubte pas que vous nayez desjà entendu que mon frère, le duc
3
d'Anjou, a esté esleu roy de Polongne, ce que maiant esté asseuré et confirmé par deux
4
seigneurs ambassadeurs dudict païs qui me sont venuz naguières trouver, jay bien voullu vous
5
en advertir et vous dire que ceste ellection a esté le IXme jour du mois passé, faicte par les voix
6
communes des archevesques, evesques et de tous les palatins, sieurs, gentilzhommes et estatz dudit
7
royaume, et le XVIme dudit mois, lacceptation et publication dicelle ellection, sen est ensuivye avecques
8
toutes les louanges à Dieu, feuz de joye et autres demonstrations dallegresse quil a esté
9
possible ; et pour ce que ce bien, grace et faveur advenu par la bonté de Dieu à mondit frère,
10
suivant les grandes merites et valleurs augmente aussy beaucoup à ma reputation par toute
11
la chretienté pour avoir moyenné avec le conseil de la royne ma dame et mère ledit royaume
12
à mondict frère le roy esleu de Polongne. Il fault que la louange et graces en soient données
13
et rendues à Dieu, ayant commancé à faire profession generalle faict chanter le canticque accoustumé,
14
faict faire feuz de joye et autres demonstrations dallegresse les plus grandes dont je me
15
suis peu adviser, comme la chose en est digne. Je veulx aussy et vous prie faire faire le semblable
16
par toutes les villes de votre charge et mesmes y faire aux meilleures et principalles
17
tirer lartillerye, et vous ferez chose qui me sera fort agreable. Priant Dieu, monsieur de Gordes, vous
18
avoir en sa saincte garde. Escript à Fontenay en Brye, le VIIe jour de juing
19
1573.
20
Charles
21
Pinart